Granit Xhaka është njëri nga futbollistët më të mirë shqiptarë në histori.
Viti që lamë pas ishte më i miri në karrierën e tij pas shkëlqimit të tij me Bayer Leverkusenin, ku arriti të fitojë Bundesligën dhe DFB Pokal, si dhe finalen e Ligës së Evropës.
Si rezultat, u fut në listën e gjerë të kandidatëve për ta fituar Topin e Artë dhe çmimin e futbollistit më të mirë të vitit në FIFA, derisa u zgjodh sportisti dhe futbollisti më i mirë i vitit në Zvicër.
E krejt këto, por edhe për eksperiencat që i kishte në Basel, në Borussia Monchengladbach e në Arsenal, kanë bërë që përfaqësuesin zviceran ta lavdërojë legjenda gjermane, Oliver Kahn.
“Granit Xhaka e ka një ka mentalitet të shkëlqyer”, deklaroi fillimisht ish-portieri i Bayern Munichut në studion sportive të televizionit të njohur gjerman, “ZDF”, teksa e lavdëroi edhe ekipin e Leverkusenit në përgjithësi.
Xhaka ndër të tjera bëri paraqitje të shkëlqyeshme edhe në Euro 2024 me Zvicrën.
U shpall futbollisti i vitit në Zvicër, Oliver Kahn lavdëron Granit Xhakën / shkruan Gazeta Online Reporteri.net.
