Janë zbuluar tri klubet angleze të cilat po ‘luftojnë’ me njëra-tjetrën për të siguruar në verë shërbimet e Jack Grealish.
Fichajes ka raportuar se Tottenhami, Aston Villa dhe Newcastle që të gjitha janë të interesuara për transferimin e sulmuesit anglez këtë verë.
Një rikthim tek Villa mund t’i shkojë përshtati Grealish, teksa Neëcastle momentalisht ka përparësi shkaku se me shumë gjasë do të marrë pjesë në Ligën e Kampionëve sezonin e ardhshëm.
Grealisht ka pasur vështirësi që të luajë një rol të rëndësishëm tek City këtë sezon.
Ai ka luajtur si titullar në vetëm shtatë ndeshje në Ligën Premier këtë sezon dhe mund të duhet të largohet për të ringjallur karrierën e tij sërish.
Raporti shton se pengesa kryesore që Grealish të largohet në verë është paga e tij e lartë dhe një kontratë e cila ka edhe dy vite të mbetura.
City e ka bërë të qartë se ata janë të hapura për oferta të klubeve të cilat janë të interesuara për lojtarin.
‘Qytetarët’ kanë ende punë për të bërë për t’u kualifikuar në Ligën e Kampionëve sezonin e ardhshëm, teksa ata i pret dueli ndaj Evertonit të shtunën./Telegrafi/
Tri klube angleze po ‘luftojnë’ me njëra-tjetrën për transferimin e Jack Grealish / shkruan Gazeta Online Reporteri.net.
