Shtyhet meçi mes Furyt dhe Usyk, boksieri britanik pëson lëndim në stërvitje

Meçi mes Tyson Furyt dhe Oleksandr Uyskut, i cilësuar si “meçi i shekullit”, është shtyrë për shkak të një lëndimi që ka pësuar britaniku në stërvitje.

Ky meç, që i takon kategorisë së peshave të rënda, ishte i caktuar për t’u zhvilluar më 17 shkurt, në Arabinë Saudite – transmeton Gazeta Express.

Nga Queensberry Promotions u bë e ditur Fury ka pësuar një çarje mbi syrin e tij të djathtë gjatë stërvitjeve dhe kërkoi urgjencë mjekësore për të bërë një qepje.

Sipas “Sky Sports”, kjo ndodhi gjatë një seance në Riyadh të Arabisë Saudite.
“Jam absolutisht i shkatërruar pasi u përgatita për këtë luftë për kaq gjatë dhe jam në një gjendje kaq të shkëlqyer. Ndihem keq për të gjithë të përfshirët në këtë ngjarje të madhe dhe do të punojë me zell pasi syri të jetë shëruar. Mund të kërkoj falje vetëm për të gjithë të prekurit, përfshirë ekipin tim, ekipin e Usyk, partnerët dhe tifozët, si dhe mikpritësit tanë dhe miqtë e mi në Mbretërinë e Arabisë Saudite”, tha Fury.

Ai gjithashtu publikoi një fotografi në “Instagram”, ku shkroi: “Nuk mund të mos lëndohem në një sparring, por ajo që mund të them ishte se Usyk ishte në telashe. Unë jam në formë fantastike”.

View this post on Instagram
A post shared by Tyson Fury (@tysonfury)

Rreth caktimit të një date të re për meçin mes Furyt dhe Usyk, një zëdhënës i Queensberry Promotions shtoi: “Ndërsa ky është ende lajm i fundit, është qartësisht një zhgënjim masiv, pas punës që është bërë nga kaq shumë njerëz për t’i dhënë më në fund ngjarjen historike botës. Pasi mjekët të kenë vlerësuar syrin e Tyson, ne do të kemi një ide më të mirë të periudhës së rikuperimit që nevojitet. Pasi të dihet, ne do të punojmë me zell me të gjitha palët e interesuara dhe Mbretërinë e Arabisë Saudite për të riplanifikuar luftën sa më shpejt të jetë e mundur dhe sigurisht do t’i mbajmë të gjithë të përditësuar me zhvillimet”.