Milani ia doli të merrte tri pikë vetëm në fund, duke përmbysur 3-2 Parmën në “San Siro”. Ndeshja ka qenë e tensionuar dhe nervat u panë në fundin e sfidës. Trajneri Sergio Conceiçao dhe një nga kapitenët, Calabria, u përplasën fizikisht mes tyre, aq sa u desh ndërhyrja e lojtarëve të tjerë të Milanit që situata mos degradonte.
Nuk dihet se cili ishte motivi i kësaj përplasje në kampin kuqezi, ndërsa në ditët në vijim pritet të hidhet dritë mbi këtë ndodhi që nuk i bën aspak mirë një ekipi si Milani.
Calabria ka mbajtur edhe shiritin e kapitenit te Milani, ndërsa rikthimi i Maignan ka bërë që kapiten të jetë portieri.
‘Shpërthen’ te Milani, trajneri Conceiçao dhe kapiteni Calabria përplasen fizikisht në fushë / shkruan Gazeta Online Reporteri.net.
