Mohamed Salah është shumë pranë nënshkrimit të një kontrate të re me Liverpoolin, me marrëveshjen që tashmë ndodhet në fazat përfundimtare.
Klubi është i sigurt se gjithçka do të përfundojë së shpejti dhe se egjiptiani do të vazhdojë të jetë pjesë e “The Reds”.
Eksperti i transferimeve, Fabrizio Romano raporton se rinovimi i Salah është vetëm çështje kohe, ndërkohë që edhe situata me kapitenin Virgil van Dijk është pozitive.
Mbrojtësi holandez ka deklaruar së fundmi se bisedimet për vazhdimin e kontratës po ecin mirë dhe janë në rrugë të mbarë.
Salah, i cili ka qenë një figurë kyçe për sukseset e Liverpoolit në vitet e fundit, pritet të vazhdojë aventurën e tij në “Anfield”, duke sjellë qetësi për tifozët që presin me padurim konfirmimin zyrtar.
Me të dy yjet që ka shumë gjasa të qëndrojnë në klub, Liverpooli duket i vendosur të ndërtojë një të ardhme solide, duke mbajtur në skuadër lojtarët më të rëndësishëm.
Rinovimi çështje kohe, Salah pritet të vazhdojë me Liverpoolin / shkruan Gazeta Online Reporteri.net.
