Franca ka hyrë në ethet e fundit në prag të sfidës gjysmëfinale përballë Spanjës, me dy herë kampionët e botës që kërkojnë të rikthehen në finale pas tetë vitesh.
Përpara ndeshjes me iberikët ka folur edhe Adrien Rabiot me mesfushorin që thekson se e vlerësojnë në maksimum Spanjën, por janë gati për këtë betejë.
“Ne e kemi vlerësuar këtë ndeshje, jemi në gjysmëfinale dhe kjo është e rëndësishme, por nuk duam të ndalemi këtu. Forca e Spanjës? Jemi të gjithë të vetëdijshëm që ata janë një skuadër e fortë dhe që ka treguar një futboll shumë cilësor. Spanja është një ekip i kompletuar, por gjithashtu edhe ata kanë pika të dobëta”, ka thënë Rabiot.
“Ne kemi besim dhe e dimë se çfarë duhet të bëjmë. Ndryshimet në formacion? Është disi e komplikuar, në orët e fundit ka pasur shumë lajme dhe kjo nuk i bënë mirë ekipit. Unë jam i bindur se të gjithë janë gati për këtë ndeshje, jemi profesionistë dhe dimë të përshtatemi, ndaj do të zbresim në fushë vetëm për ta fituar këtë duel dhe për të shkuar në Berlin” – përfundoi Rabiot.
Rabiot e sheh Spanjën më të kompletuar, por i bindur se Franca shkon në finale / shkruan Gazeta Online Reporteri.net.
