Kushdo që viziton Barcelonën këshillohet të ketë kujdes për sendet e tij personale kur është në publik, qoftë turist apo një drejtues i një klubi të madh futbolli.
Raportet nga Katalonja thonë se një anëtar i ekspeditës së Bayern Munich në Barcelonë u grabit të martën në mbrëmje.
Sipas El Caso.cat, një drejtues u ndalua nga një i ri në lagjen Sant Marti, pranë plazhit dhe fshatit Olimpik, të martën në mbrëmje.
Pasi u shpërqendrua nga personi, drejtuesit i morën një orë të shtrenjtë marke, portofolin dhe iPhone 15 e tij. Hajduti iku në këmbë pa u kapur dhe u bë një denoncim në polici.
Një njësi e specializuar policore (Titani) po punon për të përcaktuar nëse grabitja lidhet me një grup të njohur hajdutësh orash në qytet.
Deri tani, fajtori ende nuk është identifikuar dhe policia nuk ka shumë shpresa për rikuperimin e sendeve të tij./Express
Një zyrtar i Bayernit grabitet në Barcelonë, ia marrin orën, telefonin dhe kuletën / shkruan Gazeta Online Reporteri.net.
