![Mourinho: Puna që po bëjmë tek Roma në këto kushte është e mrekullueshme, njerëzit duhet të na respektojnë Mourinho: Puna që po bëjmë tek Roma në këto kushte është e mrekullueshme, njerëzit duhet të na respektojnë](https://reporteri.net/wp-content/uploads/2023/12/skysports-jose-mourinho-roma_5369805-1-1024x576.jpg)
Në ndeshjen e fundit të xhiros së 18-të të Serisë A italiane, lojtarët e Juventusit fituan tre pikë në shtëpi, duke mposhtur Romën me rezultat minimal 1:0.
Me këtë Juventusi përfitoi nga barazimi i një dite më parë i Interit dhe tani skuadra torineze është vetëm dy pikë prapa liderit, Inter. Roma mbeti e shtata në renditje.
Ndeshja u komentua nga Jose Mourinho. Trajneri i Romës ka dhënë një deklaratë për DAZN pas ndeshjes.
“Jam i zhgënjyer që shkuam në pjesën e parë me 0:0 sepse patëm shumë raste të mira. Nuk shënuam dhe pranuam një gol për fat të keq. Pas kësaj, gjithçka ishte shumë më e vështirë. Jam i kënaqur me lojtarët dhe karakterin që treguam. Njerëzit duhet të na respektojnë më shumë për atë që po bën Roma. Puna që po bëjmë në këto kushte është e mrekullueshme”, tha Mourinho.
Mourinho: Puna që po bëjmë tek Roma në këto kushte është e mrekullueshme, njerëzit duhet të na respektojnë / shkruan Gazeta Online Reporteri.net.