Kampionia olimpike dhe botërore, tashmë trajnerja Majlinda Kelmendi aktualisht është duke qëndruar në Itali ku po udhëheq kampin e xhudos me rreth 1 500 xhudistë.
Ky kamp ka filluar të martën me tri stërvitje me grupmosha të reja kurse kampi masiv do të zhvillohet sot (e premte).
Kampi stërvitor po mbahet në qytetin Bardonecchia dhe organizohet nga klubi italian i xhudos, Akiyama Settimo.
Në këtë kamp po merr pjesë edhe kryetrajneri Driton Kuka dhe ekipi U21 nga Kosova.
Majlinda Kelmendi udhëheq kampin me rreth 1 500 xhudistë në Itali / shkruan Gazeta Online Reporteri.net.
