Superliga e Kosovës ka pësuar ndryshime pas përmbylljes të gjitha ndeshjeve të javës së 27-të.
Llapi tashmë është lider i ri pas fitores me rezultat 3-0 ndaj Lirisë, shkruan Reporteri.net.
Ballkani barazoi me Prishtinën në Lipjan pa gola, kurse Drita poashtu barazoi me Malishevën (1-1).
Feronikeli ’74 ka arritur të shënojë fitore ndaj Fushë Kosovës me rezultat 1-0, ndërsa përballja mes Gjilanit dhe Dukagjinit u mbyll baras 1-1.
Llapi është lideri i ri me 54 pikë, Ballkani i dyti me 53 pikë, ndërsa e treta është Drita me 51 pikë, ndërsa kanë mbetur edhe nëntë xhiro deri në përfundim të kampionatit.
Edhe kryetari i Podujevës, Shpejtim Bulliqi, i është gëzuar fitores së Llapit dhe bërjes lideri i ri në Superligë, për çka i ka uruar.
“Llapi është lideri i ri në Superligën e futbollit e Kosovës. 
Bravo kampionë! 
Urime fitorja të gjithëve! 
/Reporteri.net/.
Llapi i Tahir Batatinës është lider i ri në Superligën e futbollit të Kosovës / shkruan Gazeta Online Reporteri.net.
