Kombëtarja e Kosovës do të luajë kundër Islandës, në play-offin për promovim në Ligën B të Ligës së Kombeve.
Një gjë e tillë u vendos sot në shortin e tërhequr në selinë e UEFA-s në Nion të Zvicrës.
E nga selia e UEFA-s në Nyon të Zvicrës, përzgjedhësi i Kosovës, Franco Foda dha mendimet e tij të para rreth përballjes me Islandën.
“Nuk kishim asnjë ndikim në shortin e hedhur. Por tani jemi të lumtur për ndeshjen kundër Islandës. Unë personalisht nuk kam qenë kurrë në Islandë dhe Islanda ka një skuadër shumë të fortë. Por, edhe ne me Kombëtaren tonë, jemi aktualisht në një formë shumë të mirë, në një gjendje shumë të mirë. Mendoj se shanset janë 50 me 50 dhe do të bëjmë gjithçka për të kaluar në grupin B”, tha Foda.
Foda për përballjen me Islandën: Gjasat janë 50-50, do të bëjmë gjithçka për të kaluar në Ligën B / shkruan Gazeta Online Reporteri.net.
