Federata e Futbollit të Kosovës ka lavdëruar Edon Zhegrovën përmes një postimi të bërë në faqen zyrtare në Facebook, shkruan Gazeta Online Reporteri.net.
Në postim thuhet se “Zhegrova ka vazhduar shkëlqimin me formën e tij”.
“Zhegrova në këtë ndeshje luajti për 90 minuta dhe ishte lojtari kyç në fitoren e rëndësishme të ekipit të tij, me 62 prekje me topin, 88% saktësi të pasimeve dhe shtatë duela të fituara”, thuhet tutje në postim.
Postimi:
𝐄𝐃𝐎𝐍 𝐙𝐇𝐄𝐆𝐑𝐎𝐕𝐀- 𝐋𝐎𝐉𝐓𝐀𝐑𝐈 𝐈 𝐍𝐃𝐄𝐒𝐇𝐉𝐄𝐒 𝐍Ë 𝐋𝐈𝐆Ë𝐍 𝐄 𝐊𝐀𝐌𝐏𝐈𝐎𝐍Ë𝐕𝐄
Zhegrova ka vazhduar shkëlqimin me formën e tij.
10-shi i Kombëtares së Kosovës mbrëmë u shpall “Lojtari i ndeshjes” në përballjen e ekipit të tij, LOSC Lille, kundër klubit mbretëror Real Madrid, në kuadër të garës më të madhe të klubeve, Ligës së Kampionëve, të cilën e fituan me rezultat 1:0.
Zhegrova në këtë ndeshje luajti për 90 minuta dhe ishte lojtari kyç në fitoren e rëndësishme të ekipit të tij, me 62 prekje me topin, 88% saktësi të pasimeve dhe shtatë duela të fituara.
FFK-ja lavdëron Zhegrovën: Ishte lojtari kyç në fitoren e ekipit të tij / shkruan Gazeta Online Reporteri.net.
