Tashmë kanë dalë pamje të reja nga Kongresi i UEFA-s në Beograd.
Dhe, është konfirmuar ajo se çfarë komunikoi Federata Serbe e futbollit, se janë hequr simbolet e Kosovës nga ky Kongres.
Në një fotografi të publikuar nga Associated Press, shihet dikush nga Këshilli Organizativ, teksa heq simbolet e Kosovës nga Kongresi i UEFA-s që po mbahet në Beograd.
Në këtë Kongres i pranishëm është kreu i Federatës së Futbollit të Kosovës, Agim Ademi, i cili mbrëmë u filmua pranë flamurit të Kosovës në vendin ku sot po mbahet kongresi i UEFA-s.
Flamuri i Kosovës ishte pranë 54 flamujve të shteteve tjera anëtare të UEFA-s.
E sot, Federata Serbe përmes një deklarate, u kërkoi falje serbëve, siç tha ajo “për lëshimin” dhe i qetësoi serbët, duke thënë se flamuri i Kosovës nuk është më aty.
The Kosovo flag displayed in the halls of the Sava Congress Center
Belgrade, Serbia pic.twitter.com/2h6FNX5PR9 — Kosovo Football
(@FootballKosovo) April 3, 2025
Federata Serbe heq flamurin e Kosovës nga Kongresi i UEFA-s në Beograd / shkruan Gazeta Online Reporteri.net.
