Ekipi i Kosovës ka parakaluar në ceremoninë hapëse të Lojërave Olimpike Dimërore për të rinj Gangwon 2024.
Flamuri i shtetit është bartur nga sportistët Lirika Deva dhe Klos Vokshi.
Komiteti Olimpik i Kosovës ka dhënë detaje nga ceremonia.
“Ekipi ynë parakaloi në ceremoninë hapëse të LOD për të rinj Gangwon 2024.
Është hapur edhe zyrtarisht edicioni i katërt i Lojërave Olimpike Dimërore për të Rinj Gangwon 2024, të cilat do të mbahen deri më 1 shkurt 2024 në qytetin Gangwon të Koresë së Jugut.
Në ceremoninë hapëse parakaluan dy skitarët tanë, Lirika Deva dhe Klos Vokshi, të cilët edhe bartën flamurin tonë.
Pjesë e ekipit ishin edhe trajnerët Kushtrim Deva e Ernest Sefaj, si dhe shefi i misionit, Bujar Turjaka”, ka shkruar KOK./Reporteri.net/
Ekipi i Kosovës parakalon në ceremoninë e Lojërave Olimpike Dimërore / shkruan Gazeta Online Reporteri.net.
