Mesfushori i Newcastle Unitedit, Sandro Tonali është suspenduar për dy muaj nga futbolli dhe është gjobitur me 20 mijë funte për shkeljen e rregullave të Federatës për bastoret.
Ish-lojtari i Milanit është duke e vuajtur suspendimin prej 10 muajsh pas hetimit nga Zyra e Prokurorisë Italiane dhe Federatës së Futbollit Italian për bastvënie të jashtëligjshme sa ishte në Itali.
Tonali e ka pranuar se është i varur në bastore.
Shkaku i këtyre suspendimeve ai nuk do të mund të luajë për pjesën e mbetur të sezonit dhe nuk do të marrë pjesë në Kampionatin Evropian me Italinë.
Federata angleze ka njoftuar se ai është gjetur fajtor për 50 bastvënie gjatë periudhës mes gushtit dhe tetorit të vitit 2023.
23-vjeçari kishte vënë baste për fitoret e Newcastlet në katër ndeshje. Në tri prej ndeshjeve ishte në formacionin e ekipit.
Dy muaj suspendim për Tonalin që luajti bastore / shkruan Gazeta Online Reporteri.net.
