Xhudistja kosovare Distria Krasniqi do ta nisë garën e saj në Lojërat Olimpike “Paris 2024” të dielën.
Ajo në prag të sfidës së saj të parë, ka deklaruar se pjesëmarrja në Lojërat Olimpike është ëndrra e çdo sportisti.
“Është një ndjenjë e veçantë; ëndrra e çdo sportisti është të marrë pjesë në Lojërat Olimpike. Pas triumfit në Tokio, ne shkojmë në Paris me presion të shtuar dhe ndoshta të tjerët kanë pritshmëri më të larta nga ne,” ka thënë ajo për faqen zyrtare të Komitetit Olimpik të Kosovës.
“Megjithatë, jam në formë të mirë, e përgatitur dhe shumë e lumtur që sërish marr pjesë në Lojërat Olimpike. Synimi është me pas një paraqitje të mirë edhe me qenë në podium, ngjyra e medaljes nuk ka rëndësi por shpresoj që të kthehemi me medalje”, tha Krasniqi.
Distria Krasniqi: Synoj podiumin, shpresoj që të kthehem me medalje nga Parisi / shkruan Gazeta Online Reporteri.net.
