![Caktohet gjyqtari i Shqipëri – Spanjë, shkaktoi polemika sivjet në Ligën e Kampionëve Caktohet gjyqtari i Shqipëri – Spanjë, shkaktoi polemika sivjet në Ligën e Kampionëve](https://reporteri.net/wp-content/uploads/2024/06/albaniaespana.png)
UEFA ka caktuar gjyqtarin që do ta ndajë drejtësinë në ndeshjen e fundit të Grupit B të hënën mes Shqipërisë dhe Spanjës, e cila do të luhet nga ora 21:00 në stadiumin “Merkur Spiel-Arena” në Dusseldorf.
Gjyqtari kryesor do të jetë suedezi Glenn Nyberg. Ky i fundit shkaktoi polemika në çerekfinalen e Ligës së Kampionëve mes Arsenalit dhe Bayernit, e cila përfundoi baras 2:2, pasi të dyja ekipet pretenduan se iu mohua nga një penallti.
Ai do të ndihmohet nga Mohbod Beigi dhe Andreas Soderqvist. Gjyqtari i katërt do të jetë Mykola Balakin, ndërsa VAR-i i është besuar gjermanit Christian Dingert.
Shqipëria ka një pikë në vendin e tretë, ndërsa Spanja me gjashtë pikë ka siguruar avancimin tutje.
Caktohet gjyqtari i Shqipëri – Spanjë, shkaktoi polemika sivjet në Ligën e Kampionëve / shkruan Gazeta Online Reporteri.net.