Anglia mezi ka mbajtur barazimin ndaj Danimarkës duke shfaqur shenjat se nuk do të jetë njëra nga pretendentet për kampione të Evropës, përcjell gazeta online Reporteri.net.
Edhe në fitoren 1 me 0 ndaj Serbisë, kishte shenja të formës së dobët dhe këtë e tregoi edhe me zëvendësimet që bëri Gareth Southgate, duke angazhuar Jarred Bowen para anësorit të Chelseat, Cole Palmer, i cili kishte sezonin më të mirë në Premier Ligë.
Ndërkaq, në barazimin 1 me 1, Anglia kishte shumë vështirësi, sidomos në pjesën e dytë kur danezët kishin disa raste të mira shënimi.
Me një gjuajtje nga 25 metra distancë, Hjulmand i ka ndihmuar Danimarkës që të barazojë rezultatin ndaj Anglisë.
Hjulmand realizoi golin pas asistimit të Victor Kristiansen.
Në minutën e 18, sulmuesi Harry Kane kaloi Anglinë në epërsi pas një goditje në zonën e rreptësisë.
Me këtë barazim, Anglia mbetet në pozitën e parë me katër pikë, dy më shumë sesa Danimarka në pozitën e dytë.
Anglia nuk ka brumë për kampione të Evropës / shkruan Gazeta Online Reporteri.net.
