Kapiteni i Kombëtares së Kosovës, Amir Rrahmani është shprehur i zhgënjyer pas humbjes 0-3 nga nga Rumania në ‘Fadil Vokrri’ në ndeshjen e parë të këtij sezoni në Ligën e Kombeve.
“E vërtetë, rezultati e thotë. 0:3 është turpëruese në shtëpi. Askush nuk ka fol në dhomën e zhveshjes sepse askush nuk e ka pritë. S’është e lehtë as për ne. E marrë përgjegjësinë për këtë humbje, duhet ndryshime brenda fushës sepse nuk është e mundur që ta luajmë këtë lojë dhe të humbim 0:3”, ka thënë Rrahmani.
Ai mendon se është e pashpjegueshme për mënyrën si po luajnë lojtarët e Kombëtares sonë në fushë. Rrahamni thotë se skuadrës sonë po i mungon goli.
“Siç po luajmë në fushë është e pashpjegueshme sepse kemi lojtarë që e bëjnë diferencën. Po mungon goli dhe po pranojmë gola të lehtë. Në tre ndeshje me Rumaninë nuk kemi shënuar asnjë gol, nuk e di ku është problemi. Po kemi shumë ndryshime në formacion, kjo gjithashtu ndikon në lojën dhe integrimin në fushë të lojtarëve”, ka theksuar Rrahmani për RTK-në.
Kosova ndeshjen e radhës e luan pas tri ditësh në udhëtim tek Qipro.
Amir Rrahmani: Humbje turpëruese, po na mungon goli / shkruan Gazeta Online Reporteri.net.
