Specialistja e ndërtimit dhe inxhinierja, Luljeta Bozo është një nga zërat më qetësues për qytetarët shqiptarë, sa herë që në vendin tonë regjistrohen lëkundje tërmeti.
Por a ka qenë vetë inxhinierja ndonjëherë e frikësuar? E ftuar në emisionin “7pa5”, zonja Bozo tha se kurrë nuk ka pasur frikë.
Bozo: Unë frikë, asnjëherë. Ke frikë kur ke paqartësi…frika nuk ekziston tek unë. Ndoshta është kultivuar që në fëmijëri. Prandaj them që edukata rrënjoset që në familje. Shembulli i parë për një fëmijë është prindi. E vetmja frikë që kam pasur, ishte kur bëja… kam punuar 7 vjet për të prodhuar një material të ri, dhe kur bëja ato përzgjedhjet dhe nuk e dija cila do të ishte përzgjedhja optimale, e gjithë frika ime ishte nëse ajo përzgjedhje do më jepte rezultatin që doja. Nëse kjo mund të quhet frikë./vizionplus.tv
