“Na duhet një përkujdesje më e madhe dhe një komunkim më i hapur e miqësor me çdo punonjës policie.”
Kështu deklaroi ministri i punëve të brendshme Taulant Balla duke marë shkas nga ngjarja e rëndë e tre ditëve më parë ku një punonjës policie u vëtavra me armën e shërbimit.
Deklarata e ministrit Balla është bërë në Durrës pas përfundimit të anazlizës së punës së policisë së Durrësit për vitin 2023.
Balla tha se jam shumë i keqardhur për ngjarjen dhe përpos hetimit që po zhvillohet, na vjen keq që nuk na la mundësinë për të shqyrtuar një ankesë të mundshme të tij.
Balla: Prej atij momenti të parë, bashkë me Drejtorin e Përgjithshëm, kemi bërë të gjitha verifikimet tona, edhe si koleg, por edhe si qytetar, se kush janë shkaqet që e kanë çuar në atë vendim. Të them të drejtën nuk na dha mundësinë që ta merrnim në konsideratë një ankesë prej tij, qoftë për faktin që Policia e Shtetit ka qenë e detyruar të zbatojë një vendim gjykate. Por na duhet një përkujdesje më e madhe dhe një komunikim më i hapur dhe më miqësor me çdo punonjës Policie në të gjitha nivelet për të kuptuar në fakt edhe problematika të tjera, që ndoshta nuk lidhen me punën e policisë, edhe një qasje tjetër të shërbimit me psikolog.
Mos harroni asnjëherë, punonjësit e Policisë janë ata që nuk kanë asnjëherë as orar dhe më takon mua t’i jap një zgjidhje përfundimtare historisë së mospagesës së orëve jashtë orarit. Kemi bërë një zgjidhje të parë për pagesën e ushqimit, më në fund, por duhet të japim zgjidhje të tjera. Mos harroni që punonjësit e Policisë janë të parët që thirren për çdo lloj problematike. Se bie zjarr, se bie shi, se përmbytet e problematika të tjera, Policia e Shtetit është e para që mbërrin. (Edhe gazetarët). As e vë në dyshim që edhe ju keni të njëjtat le të themi, por unë nuk jam Ministri i gazetarëve, jam ministri i Brendshëm. Ju e dini që e respektoj shumë punën tuaj./vizionplus.tv
