![Nën hetim për korrupsion dhe pastrim parash, mjeku Prifti shkon në SPAK Nën hetim për korrupsion dhe pastrim parash, mjeku Prifti shkon në SPAK](https://www.vizionplus.tv/wp-content/uploads/2024/02/prifti-728x400.jpg)
Ditën e sotme, mjeku Edvin Prifti ka shkuar në Prokurorinë e Posaçme për t’u marrë në pyetje.
Ai ndodhet nën hetim prej 4 vitesh për korrupsion dhe pastrim parash.
Mjeku do të pyetet si person nën hetim. Siç shihet në video, Prifti është shoqëruar nga avokati i tij, Henrik Ligori.
Kardiokirurgu doli në përgjime në dosjen e ish-gjyqtares se Krujës Enkelejda Hoxha, teksa fliste me një nga punonjësit e gjykatës.
Gjatë kontrollit në zyrë dhe në banesë, mjekut ju gjetën dhe sekuestruan shuma të mëdha parash. SPAK po e heton nën dyshimet për pastrim parash, si dhe për përfshirje në tenderin e QSUT.
Edvin Prifti i ka kundërshtuar akuzat dhe ka deklaruar se paratë i ka te gjitha te justifikuara./Vizionplus.tv