Kreu i Partisë së Lirisë, Ilir Meta ndërsa ishte i ftuar në studion e “Quo Vadis” të moderatores pranvera Borakaj, ka shfaqur frikë nga skenarët e mundshme të kundërshtarëve politikë.
Ai theksoi se disa nga zyrtarët e PL i shkarkoi pasi kishin lënë pas dore sigurinë e selisë, pasi ndonjë person dashakeqës mund të fuste dhe armë.
Ai ka treguar se gjatë kohës kur ishte kryeministër dikush kishte futur armë në selinë e PD, dhe kjo e shqetësoi pasi sipas tij PD përdorte ndonjë armë në atë kohë.
Megjithatë sipas Metës pas verifikimeve kjo rezultoi se ishte e gjitha një skenar.
Pjesë nga biseda:
Kikia: Përse ky nepotizëm duke eliminuar Klanin e zonjës Kryemadhi, nuk u bë në mënyrë të natyrshme, shkohet në votime, ikën Monika, shkon Brahimllari vjen Blushi?
Meta: Pse Erisa Xhixho klan i Presidentit është.
Kikia: Përse ky lloj Rithemelimi nuk u bë natyrshëm, në konventa partie. Ju keni ndërmarrë një fushatë agresive, keni folur për armiq, tradhtarë, çimka.
Meta: Kam një pyetje për ju. Si do të ndiheshit ju të ishit kryetar të PL, e cila ka qenë target i Edi Ramës prej kohësh, nëse një sekretar i PL-së, që ju i keni besuar organizimin e partisë dhe ju tha që duhet të jeni të vëmendshëm se këta janë provokatorë, do i thoni që kam bërë një gabim të rëndë në të gabuarën. Por kam kuptuar thelbin, se këta funksionojnë si në kohën e pas luftës që fusnin armë sikur do bënin kryengritje, kjo ka ndodhur edhe kur unë kam qenë kryeministër, kur dikush futi armë në selinë e PD dhe pastaj më tha mua ata do bëjnë këtë gjë. Unë kam qenë i shqetësuar se PD në atë kohë edhe përdorte ndonjë armë, isha shumë i shqetësuar, kam thirrur Ministrin e Brendshëm, sepse nuk doja të bënim një vërtetim në kohë fushate ndaj një partie politike. Prandaj ju kërkova verifikim absolut, duke kërkuar që të përdoreshin armë. E vërteta është se ata e verifikuan atje kishte armë, u ndaluan ata personat, më pas rezultoi se armët ishin zbuluar.
Borakaj: Çfarë keni zbuluar ju në PL?
Meta: A është normale që një parti si PL, përballë këtyre pasuesve ndaj racës më të pabesë në botë, pasi për socialistët kam respekt.
Kikia: Çfarë ka ndodhur?
Meta: A do të ishit ju në një situatë komode, që partia mos kishte roje nate për gati një vit e gjysëm.
Borakaj: Keni vërejtur gjë ju.
Meta: Partia kishte roje ditën, s’kishte roje natën
Borakaj: Zoti Meta çfarë dëmi është shkaktuar?
Kikia: Ju duket sikur po bëni divorc politik me zonjën Kryemadhi?
Meta: Ne po bëjmë divorc me nepotizmin, me asnjë individ.
Kikia: Kë akuzoni brenda partisë?
Meta: Kjo është histori që nuk ka vlerë.
Borakaj: Mungesa e rojës i ka sjellë ndonjë dëm PL-së?
