Në daljet e tij të fundit, Ilir Meta, kryetari i Partisë së Lirisë ka deklaruar se kreu i SPAK, Altin Dumani dëshiron që t’i sekuestrojë partinë dhe t’ia japë Ramës. Ai i ka vijuar akuzat mbrëmjen e sotme në studion e “Quo Vadis” përballë moderatores Pranvera Borakaj, analistit Mentor Kikia dhe kryeredaktorit të Vizion Plus, Roland Zili.
Sipas Metës, Rama përdori Lulzim Bashën për t’i marrë vulën PD-së që drejtohej nga Berisha.
Biseda në studio
Meta: Përplasja me SPAK është vetëm parimore dhe asgjë tjetër. Nuk ekziston asnjë skenar për mua.
Kikia: Çfarë fakti keni që zoti Dumani do sekuestrojë PL?
Meta: SPAK mbylli çështjen e Lulzim Bashës dhe e përdorën për të marrë vulën e cila i takonte PD-së së vërtetë që drejtohej nga Berisha. Kush e bëri këtë? Unë e bëra? Gjykata vendosi që vula i takon PD dhe kjo është PD.
Kikia: Kush do ta marrë vulën e PL-së? Thoni që do ta marrë vulën dhe do t’ia çojë Ramës? Kjo është figurative?
Meta: Jo kjo është reale.
Zili: Kë po përdor Rama në PL, nëse në PD përdori Lulzim Bashën?
Meta: Nuk ka çfarë të përdorë, nuk ka buburrec që i merr partinë Erisa Xhixhos dhe Tedi Blushit. Ne jemi partia më transparente. /vizionplus.tv
