Autori i vrasjes së 41-vjeçares shqiptare kishte treguar edhe në marrëdhëniet e tjera shenja dhune. Ish-bashkëshortja e tij shprehet se mund të ishte edhe ajo në vendin e shqiptares, pasi shpesh herë është dhunuar nga 41-vjeçari.
“Unë mund të isha në vendin e Gjeorgjisë”, tha ajo për mediat greke.
Ajo theksoi se në shtatë vitet që ishin të martuar, kishte qenë viktimë e sjelljeve abuzive dhe rrahjeve brutale nga autori.
“Ne ishim bashkë për shtatë vjet dhe ai ishte gjithmonë i dhunshëm, duke më goditur sepse ishte xheloz dhe për paratë. Ai ishte shumë i dhunshëm, nuk më linte të dilja, kujdesesha vetë për shtëpinë dhe fëmijët dhe kishte shumë dru”, thotë gruaja.“E kisha denoncuar disa herë në polici. Në incidentin e parë më goditi në sy dhe përgjithësisht kishim debate. Ishte i dhunshëm, më rrihte nga xhelozia, nuk donte të punoja dhe kur nuk i pëlqente diçka më rrihte. Në vitin 2018 shkuam te një avokat për të marrë një divorc. Ai u martua përsëri”, shtoi ajo.
Ajo thekson se kushdo që do ishte në krah me të do ishte viktimë e dhunës së vazhdueshme të tij.
“Dukej se ai ishte i aftë të më vriste mua dhe çdo gjeorgjian, se mund ta bënte një gjë të tillë. Ai ishte shumë xheloz dhe gjithmonë donte para. Kur Gjeorgjia u zhduk dhe unë e pashë, e kuptova që në momentin e parë që ai kishte gisht. Madje kuptova që mesazhet ishin të tijat. Për fat të keq do burgoset 15-20 vjet dhe pastaj do të dalë, por vajza nuk kthehet më. Unë pata fat dhe shpëtova”, theksoi ajo.
Ajo nënvizoi se autori ishte xheloz dhe nuk e lejonte të kishte miqësi apo komunikim as me kolegët./vizionplus.tv/
