Besimtarët katolikë kremtojnë Pashkën, Ringjalljen e Krishtit.
Të shtunën, besimtarët i drejtohen kishave për të bekuar ushqimet. Tradita ka vijuar në qytetin e Lezhës. Bekimi i ushqimeve është një traditë e besimtarëve katolikë në prag të festës së Pashkëve, raporton gazetari i Vizion Plus Altin Mema.
Ushqimi i Pashkës është i thjesht, bukë, djathë, hudhra e qep te njoma. Tradita e bekimit të ushqimeve është për mbarësi në jetën.
Traditë e lashtë sa vetë Bibla. Pashka është festa më e rëndësishme për të krishterët, ringjallja e Krishtit, një simbolikë me ringjalljen dhe nisjen e diçkaje të re. Kjo është simbolika e bekimit të ushqimeve, si një bekim që vjen nga prodhimi i të mirave materiale.
Bekimi i ushqimeve është një traditë e hershme ndër Katolikët pasi kërkohet bekimi i gjithë familjes, përmes ushqimit. Pashkët, kremtohen tek besimtarët katolikë si ringjallja e Krishtit, ku përgatitja nis me 7 javëshin e Krezhmeve ose agjërimit./vizionplus.tv/
