Një aksident i rëndë u regjistrua mëngjesin e kësaj të shtune, 8 qershor, në aksin rrugor Fushë Buall-Shushicë.
Nazmi Boja 56 vjeç humbi kontrollin e makinës dhe mjeti përfundoi disa metra në greminë.
Pas disa orësh kërkime, Ekipet e Zjarrfikëses së Elbasanit, Emergjencave Civile dhe Ekipet e Alpinizmit të Kërkim Shpëtimit Malor arriten gjenin mjetin e rrëzuar në greminë. Fatkeqësisht, Boja humbi jetën.
Disa dhjetëra punonjës u angazhuan për të shpetuar 56-vjeçarin, por terreni malor vështiresoi punën e ekipeve të shpëtimit.
Është dashur ndërhyrja e helikopterit të emergjencave civile për të lokalizuar vendin e aksidentit. Më pas është bërë e mundur nxjerrja e trupit të pajetë./vizionplus.tv
