Festivali Ndërkombëtar “Okarina Fest” është një ngjarje unike që synon të promovojë trashëgiminë muzikore shqiptare dhe instrumentin antik të okarinës, i njohur për rrënjët e tij historike në Kosovë.
Ky festival, që sivjet zhvillon edicionin e parë në Prishtinë, bashkon në kryeqytetin kosovar artistë të talentuar nga vende të ndryshme, duke përfshirë Kosovën, Shqipërinë, Maqedoninë e Veriut, Malin e Zi, Turqinë dhe Kroacinë.
Me performanca të jashtëzakonshme muzikore, ky event ndërkombëtar kontribuon në ruajtjen dhe promovimin e muzikës tradicionale dhe instrumenteve frymore, duke frymëzuar brezat e ardhshëm për të mbajtur gjallë këtë trashëgimi kulturore të vyer.
Festivali Ndërkombëtar “Okarina Fest” 2024, këtë vit rezervon dy aktivitete kryesore ku mund të merrni pjesë janë: Më 18 Nëntor, prej orës 19:00, është hapja e Festivalit, në Kino Armata (në sheshin “Zahir Pajaziti”). Ndërsa, më 20 Nëntor, prej orës 19:00, zhvillohet Koncerti Kryesor në Bibliotekën Qendrore Universitare (Objekti i Institutit të Historisë).
Sonte nis “Okarina Fest”, edicioni i parë i festivalit ndërkombëtarë zhvillohet në Prishtinë / shkruan Gazeta Online Reporteri.net.
