Besnik Canolli, i njohur me emrin 2po2, ka nisur të merret me muzikë që prej vitin 1994, ku me këngën “S’më pëlqen kjo lojë” mori zemrat e publikut.
2po2, pas 16 viteve karrierë, nxori në shitje albumin e tij të parë “solo” të titulluar “AUTHENTIC”, i cili që në momentin e publikimit, korri një sukses të jashtëzakonshëm.
Besnik Aka 2po2 është një ndër artistët që numëron mjaft bashkëpunime të suksesshme në karrierën e tij më shumë artistë të skenës shqiptare.
Dhe pas 30 vitesh karrierë, 2po2 ka vendosur të publikojë albumin e tij të fundit, duke lënë kështu të nënkuptohet se artisti do të heqë dorë nga muzika.
“1994 ishte viti kur fillova me muzikë. 2024 le të jetë albumi im i fundit”, ka shkruar në postimin të tij.
“Le të jetë albumi i fundit”, reperi i njohur kosovar paralajmëron largimin nga muzika / shkruan Gazeta Online Reporteri.net.
