Edhe një herë kanë nisur spekulimet se cili aktor do të marrë rolin e James Bondit, pas raportimeve se aktorit britanik Aaron Taylor-Johnson i është ofruar roli, raporton BBC.
Gazeta britanike “The Sun”, ka raportuar se aktorit të filmave “Kick-Ass” dhe “Marvel”, zyrtarisht i është ofruar roli i agjentit 007 që deri më tani është luajtur nga Daniel Craig, përcjell gazeta online Reporteri.net.
Ai u largua në vitin 2021 pasi luajti në pesë filma për më shumë se 16 vjet.
Filmi i ardhshëm i Bondit do të jetë i 26 pas “No Time to Die”.
Taylor-Johnson së fundmi ka thënë për revistën “Numero” se është i joshur nga njerëzit që e shohin atë në këtë rol, kur është pyetur për thashethemet se i është ofruar roli i Bondit.
Një prej emrave ishte edhe Henry Cavill, i cili mendohet se është në listën e aktorëve.
Gjatë vitit 2020 kishte deklaruar se do t’i pëlqente të luante atë rol.
Më parë janë përmendur edhe aktorët Tom Hardy, Idris Elba dhe Chris Evans.
Kush do të jetë James Bondi i ri / shkruan Gazeta Online Reporteri.net.
