Produksioni ditën e sotme ka përjashtuar nga loja e Big Brother VIP Albania, banoren Egla Ceno, shkruan Reporteri.net.
Si pasojë e vërejtjeve të shumta, e që kanë vazhduar edhe mbrëmë pas spektaklit provokimet, Big Brother VIP Albania ka marrë vendim që Eglën ta përjashtojë menjëherë.
Por, krahas Eglës, edhe dy banorët tjerë, që nuk kanë kursyer provokimet ndaj saj, Meritoni dhe Ilnisa, do të përballen me një vendim tjetër të martën, gjatë spektaklit.
E gjithë kjo që ndodhi erdhi si pasojë e provokimeve të shumta që filluan mbrëmë në spektakël, e vazhduan edhe pas tij, ku madje në një moment derisa Meritoni e provokon me një gotë verë Eglën, ajo e merr dhe ia hedh në kokë atë.
“Është okej. Jam okej, ishte kënaqësi. Unë u kënaqa. Mos bini pre e provokimeve, mbajeni veten deri në fund. Unë bëra qefin tim, sjam pishman për asgjë. Gjërat që kam bërë gabim kam kërkuar ndjesë dhe i rri ndjesës që kam kërkuar. Unë jam Egla, do të takohemi jasht, e ndjej që më shihni, e ndjej që më doni. Mos bini pre e provokimeve se ndoshta do të bëhen edhe më të forta”, tha Egla me të marrë lajmin për përjashtimin e saj.
Edhe këta dy banorë të Big Brother VIP Albania do të penalizohen nga produksioni të martën në spektakël / shkruan Gazeta Online Reporteri.net.
