Prokurori publik Ljupço Kocevski sot mbajti kolegjium ku i njoftoi prokurorët publikë në Prokurorinë Publike me prioritetet e programit për mandatin e tij dhe aktivitetet për forcimin e transparencës dhe besimit në institucion.
Njëkohësisht, Prokuroria Publike riaktivizoi Komisionin për monitorimin e parregullsive të mundshme lidhur me zgjedhjet dhe krimet e tjera që do të kryheshin gjatë organizimit dhe zbatimit të zgjedhjeve.
Kryetar i Komisionit është zgjedhur prokurori publik Xhelal Bajrami.
Komisioni i përkohshëm përfshin një prokuror publik nga katër prokuroritë më të larta publike dhe një prokuror publik nga Prokuroria Themelore Publike – Shkup.
Prokuroria Publike e Republikës së Maqedonisë së Veriut u bëri thirrje opinionit, organizatave të shoqërisë civile, organizatave tjera, partive politike, institucioneve vendore dhe ndërkombëtare dhe të gjithë atyre që besojnë se në ndonjë procedurë kanë indikacione për kryerjen e veprës penale lidhur me organizatën dhe zbatimin e zgjedhjeve, të dorëzojë parashtresë/raport në Komision në adresën elektronike – izbori@jorm.mk.
Xhelal Bajrami zgjidhet kryetar i Komisionit për parregullsi zgjedhore appeared first on Telegrafi.
