Qendra Rajonale për Menaxhimin e Krizave – Shkup njoftoi se për shkak të reshjeve dje në orët e vona të pasdites dhe të mbrëmjes niveli i lumit Markova është rritur, duke bërë që ai të dalë mbi urën në afërsi të vendbanimit Lubosh dhe në rrjedhën e poshtme, si dhe të vërshohen disa shtëpi, depo dhe objekte industriale në fshatrat Studeniçan dhe Batinci, si dhe në pjesë të Pintisë.
Përmbytje janë raportuar edhe në një pjesë të bulevardit Boris Trajkovski në afërsi të lagjes Pintija, ku raportohet edhe për përmbytje të depove. Sipas informacioneve nga personi kontaktues nga Pushteti Lokal i Studeniçanit, shërbimet e Pushtetit Lokal të Studeniçanit kanë intervenuar tek kompanitë vendore, ndërsa në terren janë edhe përfaqësues të Pushtetit Lokal të Kisella Vodës.
Gjatë natës, numri i vetëm i emergjencës 112 ka marrë njoftime për vërshime të shtëpive në Gorno Lisicë (komuna e Aerodromit), ku ka ndërhyrë edhe Zyra e pushtetit lokal në Aerodrom.
Gjithashtu, në zonat e përmbytura po ndërhyjnë edhe BPPZ e Qytetit të Shkupit dhe Ndërmarrjet Publike të Qytetit të Shkupit dhe Njësitë e Pushtetit Lokal.
Vërshohen disa shtëpi, magazina dhe objekte industriale në Studeniçan dhe Batincë appeared first on Telegrafi.
