Ministri Teknik i Punës dhe Politikës Sociale, Gjoko Velkovski, në një deklaratë gjatë vizitës në Qendrën Ndërkomunale për Punë dhe Punë Sociale në Gostivar, theksoi rëndësinë e identifikimit të dështimeve në sistemin e ndarjes së ndihmës financiare sociale për të shmangur probleme të ngjashme në të ardhmen. Ai u ndal në dobësitë e sistemit dhe theksoi nevojën për të adresuar ato në mënyrë efektive për të siguruar që situata e lëvizë përpara pa rikthime.
“Ka një dobësi dhe ne e kemi konstatuar. Ne i kontrollojmë këto të dhëna në terren. Sistemi ka qenë i fshehur diku dhe do të shohim se ku është ajo dobësi, ta heqim dhe të mos shfaqen gjëra të tilla në të ardhmen”, tha Velkovski.
Një nga aspektet kryesore të identifikuar ishte pagesa e paligjshme e ndihmës sociale dhe pensionit social për persona që nuk i plotësojnë kushtet për të. Ministri Velkovski sqaroi se një numër i madh i individëve kishin përfituar nga këto ndihma, megjithatë ata nuk i plotësonin kriteret për këtë. Përmes kontrolleve, u zbulua se disa prej tyre kishin pronësi automobilësh, duke paraqitur një situatë që kërkonte korrigjim të menjëhershëm.
“Vite më parë, për fat të keq, nuk kishte praktikë për të ndërhyrë në atë mënyrë. Në Shkup dhe Gostivar është alarmante, andaj i kemi dërguar shkresa MPB-së duke kërkuar që të tregojnë persona përgjegjës nga vendi i tyre, sepse për shkak të ndihmës për zbulimin e familjeve duhet të jemi në koordinim me ta dhe kështu ishte shumë vite më parë. Shpresoj se do të funksionojë”, tha Velkovski.
Ministri Velkovski gjithashtu diskutoi me drejtorin dhe punonjësit e qendrës për problemet aktuale që ballafaqohen në procesin e realizimit të aktiviteteve dhe sigurimit të mbrojtjes sociale për përdoruesit. Ky angazhim tregon përkushtimin për të adresuar sfidat dhe për të përmirësuar efikasitetin dhe qeffektivitetin e sistemit të ndarjes së ndihmës sociale.
Velkovski: Jemi duke punuar në eliminimin e dobësive në sistemin e pagesës së ndihmës sociale në para appeared first on Telegrafi.
