![Tsipras: BE dhe bashkësia ndërkombëtare qartë të tregojnë pasojat e mosrespektimit të Marrëveshjes së Prespës Tsipras: BE dhe bashkësia ndërkombëtare qartë të tregojnë pasojat e mosrespektimit të Marrëveshjes së Prespës](https://geology.com/world/macedonia-map.gif)
“BE-ja dhe bashkësia ndërkombëtare duhet t’i bëjnë të qarta pasojat që do të ketë mosrespektimi i Marrëveshjes së Prespës në rajon dhe veçanërisht në të ardhmen e Maqedonisë së Veriut”.
Këtë e theksoi ish-kryeministri grek Alexis Tsipras gjatë Komitetit të Ballkanit Perëndimor të Këshillit të Evropës.
Tsipras kryesoi Komitetin dje në Strasburg dhe sipas informacioneve nga Greqia, fokusi ishte te rëndësia e Marrëveshjes së Prespës për paqen, stabilitetin dhe perspektivën evropiane të Ballkanit Perëndimor, veçanërisht në një kohë sfidash të mëdha në rajon.
Ish-kryeministri grek Jorgo Papandreu mori pjesë gjithashtu në takim dhe profesorët Konstantinos Philis nga Greqia dhe Kristian Fidanovski nga Maqedonia e Veriut.
Papandreu theksoi se për aq kohë sa rajoni është i prekshëm nga konfrontimet nacionaliste, ai do të kërkojë mbrojtës dhe do të zhytet në destabilitet dhe konflikte të reja, dhe në vend të kësaj është e nevojshme që të gjithë të respektojnë parimin e fqinjësisë së mirë, përkushtimin ndaj parimeve demokratike, respektimin e të drejtave të njeriut.
Ndërsa profesori Fidanovski, si dhe të gjithë anëtarët e Komisionit që e morën fjalën, u fokusuan në nevojën e respektimit të Marrëveshjes nga Qeveria e Maqedonisë së Veriut./Telegrafi/
Tsipras: BE dhe bashkësia ndërkombëtare qartë të tregojnë pasojat e mosrespektimit të Marrëveshjes së Prespës appeared first on Telegrafi.