Ministri teknik i Punëve të Brendshme, Pançe Toshkovski, sot është deklaruar në lidhje me arrestimin e djeshëm të gazetarit Furkan Saliu. Ministri Toshkovski tha se gazetari ka sulmuar një polic.
Toshkovski tha se në videon që i është ofruar “e ka parë personalisht” – duke penguar një punonjës policie të kryejë detyrën. Sipas Toshkovskit, askush nuk ka të drejtë të sulmojë një zyrtar dhe askush nuk ka të drejtë të sulmojë një gazetar.
“Sipas bindjes sime, në masën më të vogël ka pasur një pengim të punës së një zyrtari në punën e tij. Sipas shënimeve të marra, dy personat e ndaluar ka pasur një sulm fizik në gjymtyrët e poshtme. Kjo është deklaratë e punonjësve të policisë, nuk është nga ana ime”, tha ministri teknik.
Ai njoftoi se kontrolli i brendshëm do ta hetojë rastin sipas kompetencave dhe të gjitha veprimet do të hetohen plotësisht.
“Makina është kontrolluar. Personi ka leje posedimi, por një armë e tillë nuk duhet të jetë brenda automjetit në fshatin në fjalë. Dihet saktësisht sipas ligjit se si është në pronësi dhe si transportohet nga një vend në tjetrin dhe si mbahet. Është shkelje lidhur me mënyrën e posedimit të armës. Është shumë e rëndësishme që ta mbani armën në shtëpi dhe jo në automjetin tuaj. Në këtë vend, ligji duhet të zbatohet për të gjithë. Nëse sqarohet se sulmi nuk ka ndodhur, unë do të kërkoj falje”, tha ministri Toshkovski, duke njoftuar kallëzim përkatës ndaj të paktën dy personave./Telegrafi/
Toshkovski për arrestimin e gazetarit Saliu: Kontrolli i brendshëm do të hetojë rastin appeared first on Telegrafi.
