Çështjet aktuale me interes të përbashkët për Shkupin dhe Uashingtonin dhe bashkëpunimin mes dy vendeve, si në nivel dypalëshe ashtu edhe në kuadër të NATO-s, ishin temat e takimit të sotëm mes ministrit të Punëve të Jashtme dhe Tregtisë së Jashtme, Timço Mucunski dhe sekretarit amerikan të Shtetit, Marko Rubio, në margjinat e takimit të shefave të diplomacisë të vendeve-anëtare të Aleancës në Bruksel.
Në një postim në rrjetet sociale, ministri Mucunski ka theksuar se ka pasur një “takim të shkurtër por shumë produktiv” me Rubion, i cili është i pari që nga emërimi i paradokohshëm i Sekretarit të Shtetit në këtë pozitë.
“Ne ramë dakord për rëndësinë e intensifikimit të mëtejshëm të dialogut politik të nivelit të lartë. Priten shumë nisma të përbashkëta”, theksoi Mucunski në njoftim.
Mucunski sot dhe nesër po merr pjesë në takimin ministror të NATO-s në Bruksel, ku temat kryesore janë sfidat prioritare të sigurisë, mbështetja dhe perspektivat për Ukrainën, forcimi i partneriteteve dhe kapaciteteve mbrojtëse, si dhe përgatitjet për Samitin e NATO-s në qershor në Hagë.
Takimi Mucunski-Rubio në Bruksel: Priten shumë nisma të përbashkëta SHBA-RMV appeared first on Telegrafi.