Sindikatat në Maqedoninë e Veriut do të dalin në protesta nëse Qeveria nuk e plotëson kërkesën e tyre për rritjen e pagës minimale në 500 euro.
Ata kërkojnë nga Qeveria që të ulen dhe të gjejnë zgjidhje për këtë propozim, nëse kjo nuk ndodhë ata thonë se në fillim të prillit do të dalin në protesta.
Kryetari i Lidhjes së Sindikatave të Maqedonisë së Veriut (LSM), Sllobodan Trendafilov ka thënë se nuk do të jetë faji i tyre nëse do të dalin në rrugë.
“Nuk do të jetë faji ynë apo i askujt tjetër nëse më 2 dhe 7 prill punëtorët shkojnë në protesta, sepse ne do të marrim një vendim të ri. Ne nuk do të jemi fajtorë, nëse dalim në rrugë dhe marrim një vendim para qeverisë dhe punëdhënësve, para atyre që nuk duan të na rrisin pagat. Nëse dikush mendon se 24,400 denarë është paga e mjaftueshme për punëtorët në Maqedoni si një pagë minimale nën të cilën nuk mund të paguhet asnjë pagë dhe paga më e ulët në rajon është 457 euro në Serbi, mendoj se do të duhet të ndezin autobusët dhe të na zhvendosin të gjithëve nga Maqedonia, diçka që unë mendoj se duhet të na shqetësojë absolutisht të gjithë”, tha Trendafilov.
Përndryshe, në gjysmën e dytë të marsit në Këshillin Ekonomik dhe Social, paga minimale duhet të rritet për 1,800 denarë dhe të bëhet 24,000 denarë.
Sindikatat e Maqedonisë paralajmëruan protestë nëse Qeveria e RMV-së nuk e bën rritjen e pagës minimale appeared first on Telegrafi.
