Qendra për Menaxhim me Kriza informon se katër personat që kishin humbur, dy gra, një burrë dhe një fëmijë (mosha 29, 18, 35, 7 vjet), janë gjetur.
Tereni në vendin ku kishin humbur, siç theksojnë nga QMK është jashtëzakonisht i pjerrët dhe i rrezikshëm për lëvizje, prandaj ata ishin nxjerrë me varkë.
Pas informacionit të marrë përmes 112 në QMK, QMK rajonale Veles menjëherë ka komunikuar për koordinimin e gjetjes me SPB Veles, DMSH Veles dhe Komunën Veles, pas çka nga Velesi erdhi nga komuna edhe një Ekip i shpëtimtarëve me ujë nga një shoqatë vullnetare me varkë speciale për shpëtim.
Diku pas orës 2 të mesnatës personat janë dërguar të sigurt përmes lumit Pçinjë dhe ishin nxjerrë lartë në autostradë, prej ku me vetura u dërguan në shtëpitë e tyre në Shkup.
Drejtori i QMK Angellov, thuhet në kumtesë, ka shprehur falënderim të madh për të gjithë të angazhuarit në aksionin e shpëtimit për gjetje të sigurt dhe dërgim përmes lumit me varkë dhe nxjerrjen e personave që ishte shumë specifike, por u realizua me sukses nga ana e të gjithë të pranishmëve në teren, ndërsa edhe kujdestarë në Sistemin për Menaxhim me Kriza.
Shpëtohen katër personat që kishin humbur në grykën e Pçinjës appeared first on Telegrafi.
