Për të ruajtur pozitën dhe statusin e prokurorëve publikë, ne si Këshill mendojmë se paga e tyre, si dhe paga e prokurorëve publikë, duhet të jetë jashtë çdo ndikimi, theksoi Dimitrieska.
Këshilli i Prokurorëve Publikë vendosi sot para Gjykatës Kushtetuese të kundërshtojë zgjidhjen ligjore që ulë koeficientët e pagave të prokurorëve.
Këshilli vlerëson se ulja e koeficientëve është antikushtetuese dhe e motivuar politikisht dhe se pagat e prokurorëve mbrohen me ligj.
Kryetarja e Këshillit të Prokurorëve Publikë, Dushica Dimitrieska, deklaroi se pavarësia financiare e autoriteteve gjyqësore, përfshirë prokurorinë publike, është kyçe në procesin e promovimit të pavarësisë dhe autonomisë së prokurorëve publikë.
“Për të ruajtur pozitën dhe statusin e prokurorëve publikë, ne si Këshill mendojmë se paga e tyre, si dhe paga e prokurorëve publikë, duhet të jetë jashtë çdo ndikimi”, theksoi Dimitrieska.
Në fund të shkurtit, Kuvendi miratoi paketën e ligjeve që ulin koeficientët e pagave të të zgjedhurve dhe të emëruarve. Ligjet mbulojnë 1060 persona të zgjedhur dhe të emëruar si president, deputetë, ministra, gjyqtarë, prokurorë publikë, anëtarë të Këshillit Gjyqësor dhe Këshillit të Prokurorëve Publikë. Amendamentet e propozuara janë dorëzuar nga grupi parlamentar i LSDM-së, ndërsa ka pasur reagime nga Asociacioni i Gjyqtarëve, Këshilli Gjyqësor dhe Asociacioni i Prokurorëve Publikë.
Prokurorët do ta kundërshtojnë ligjin për koeficientët e pagave para Gjykatës Kushtetuese appeared first on Telegrafi.
