Presidentja e shtetit Gordana Siljanovska Davkova sot në Vilën Biljana në Ohër priti përfaqësuesit e shoqatave maqedonase në Republikën e Shqipërisë, njoftuan nga Kabineti i saj.
Në takim morën pjesë Edmond Temellko, Spiro Malevski dhe Eleonora Mazenkovski nga organizata për mbrojtjen e të drejtave të maqedonasve në Shqipëri – “Prespa”, Besnik Hasani nga shoqata maqedonase “Most”, Mehmed Hoxha nga shoqata “Gora”, Pandi Jani nga Partia e Lirisë për Prespën e Vogël dhe aktivisti maqedonas Pande Simonovski nga Tirana, presidentja Siljanovska Davkova është njoftuar me aktivitetet aktuale të maqedonasve në Shqipëri të fokusuara në mbrojtjen dhe afirmimin e gjuhës, kulturës dhe traditave maqedonase.
Presidentja Siljanovska Davkova shprehu kënaqësi për kontributin e tyre të rëndësishëm në mjediset në të cilat jetojnë dhe punojnë, duke i përmirësuar vazhdimisht marrëdhëniet maqedonase-shqiptare.
Në takimin me përfaqësuesit e shoqatave të Maqedonisë morën pjesë edhe ministri i Punëve të Jashtme dhe Tregtisë së Jashtme, Timço Mucunski, deputetja në Kuvendin e Maqedonisë, Rashela Mizrahi dhe ish-ambasadori në Republikën e Shqipërisë, Vele Tërpeski.
Presidentja Siljanovska Davkova priti përfaqësuesit e shoqatave maqedonase në Shqipëri appeared first on Telegrafi.
