![Pesë qendra për zhvillim të hershëm në Tetovë, jofunksionale Pesë qendra për zhvillim të hershëm në Tetovë, jofunksionale](https://geology.com/world/macedonia-map.gif)
Për shkak të mungesës së kuadrit profesional, institucioni publik komunal kopshti i fëmijëve “Rinia” në Tetovë ka në dispozicion, por jashtë funksionit disa Qendra për zhvillim të hershem të fëmijëve.
Paralelet ose qendrat për zhvillim të hershëm të fëmijëve kishin dhënë rezultate të mira të cilët fillimisht u hapën nga ana e UNICEF-it dhe disa shoqatave joqeveritare, kurse më pas kaluan në menaxhim të komunës së Tetovës, gjegjësisht nga ana e çerdhes së Tetovës “Rinia”. Ky ishte qëndrimi i autoriteteve të kaluara të komunës së Tetovës lidhur me hapjen e këtyre qendrave. Momentalisht në gjashtë qendra për zhvillim të hershëm të fëmijëve në komunën e Tetovës procesin parashkollor e ndjekin 124 fëmijë. Këto qendra funksionojnë në kuadër të Institucionit publik komunal kopshti i fëmijëve “Rinia” në Tetovë.
Nga gjithsej 11 qendra që janë hapur në territorin e komunës së Tetovës gjatë dhjetë viteve të kaluara, vetëm gjashtë janë në funksion, kurse pesë janë jashtë funksionit. Sipas autoriteteve drejtuese të çerdhes Rinia, janë disa qendra në fshatra të Malësisë së Tetovës që ende funksionojnë, ndërsa ka qendra që janë aktive edhe në qytetin e Tetovës. Fatlindja Jaja, drejtoreshë e Institucionit publik komunal kopshti fëmijëve “Rinia” në Tetovë thotë se ky institucion momentalisht ka në funksion 6 qendra për zhvillim të hershëm të fëmijëve dhe atë një në fshatin Shipkovicë që është hapur në vitin 2015 me kapacitet prej 25 fëmijë.
“Në fshatin Brodec qendra është hapur në vitin 2021 me kapacitet prej 15 fëmijë. Në fshatin Reçice e madhe qendra është hapur në vitin 2011 me kapacitet prej 50 fëmijë. Në shkollën fillore ‘Kirili dhe Metodi’ qendra është hapur në vitin 2016 me kapacitet prej 50 fëmije. Në shkollën fillore Migjeni në Tetovë qendra është hapur në vitin 2021 me kapacitet prej 19 fëmijë. Në objektin e çerdhes ‘Potok’ qendra është hapur në vitin 2016 me kapacitet prej 15 fëmijë”, thotë Fatlindja Jaja, drejtoreshë e Institucionit publik komunal kopshti i fëmijëve “Rinia” në Tetovë.
Për shkak të mungesës së kuadrit profesional institucioni publik komunal kopshti i fëmijëve Rinia në Tetovë ka në dispozicion por jashtë funksionit disa Qendra për zhvillim të hershem të fëmijëve.
“Jashtë funksionit janë, qendra për zhvillim të hershëm të fëmijëve në fshatin Sellcë e hapur në vitin 2015 por e mbyllur prej vitit 2019. Jashtë funksionit është edhe qendra për zhvillim të hershëm të fëmijëve në fshatin Falisht e hapur në vitin 2011 por e mbyllur prej vitit 2017. Jashtë funksionit është edhe qendra për zhvillim të hershëm të fëmijëve në fshatin Gajre e hapur në vitin 2017 por e mbyllur prej vitit 2022. Poashtu e mbyllur është edhe qendra në fshatin Lisec e cila nuk është hapur për shkak të mungesës se kuadrit. Të njëjtin fat ka pasur edhe qendra për zhvillim të hershëm të fëmijëve në fshatin Saraqinë për shkak të mungesës se kuadrit dhe objekti nuk është i legalizuar”, deklaroi Fatlindja Jaja.
Me hapjen e këtyre qendrave prindërit nga vendet rurale nuk i sjellin fëmijët deri në Tetovë por i dërgojnë në qendrat në vendbanimet e tyre. Por, pas mos funksionimit të tyre prindërit megjithatë duhet që fëmijët t`i sjellin në Tetovë ose në ndonjë fshat të afërt ku qendrat janë funksionale.(koha.mk)
Pesë qendra për zhvillim të hershëm në Tetovë, jofunksionale appeared first on Telegrafi.