Komuna e Tetovës ka marrë vendim që gjatë pushimeve verore të shfrytëzojë oborret e katër shkollave në qytet si parkingje të përkohshme, në një përpjekje për të zvogëluar bllokadat e trafikut dhe për të ofruar më shumë hapësira parkimi. Kjo masë vjen si përgjigje ndaj rritjes së numrit të automjeteve gjatë verës, periudhë kur shumë mërgimtarë vizitojnë vendin.
Shkollat e përfshira në këtë iniciativë janë shkollat fillore ‘Istikbal’, ‘Liria’, ‘Goce Dellçev’ dhe dy objektet e shkollës së mesme ‘Kiril Pejçinoviq’. Parkimi në këto hapësira do të jetë falas nga 18 qershori deri në fund të pushimeve verore. Në Tetovë, ku janë të regjistruara mbi 45,000 automjete, numri i tyre rritet me disa mijëra gjatë muajve të verës.
Ndërmarrja Publike për Parking, e cila aktualisht menaxhon rreth 720 vendparkime, pritet të shtojë 200-250 vendparkime të reja me hapjen e këtyre oborreve të shkollave. Ky veprim synon të lehtësojë qarkullimin dhe të përmirësojë qasjen në qendër të qytetit gjatë muajve të ngarkuar të verës.
Për të zgjidhur kaosin, tetovarët parkojnë veturat në oborret e shkollave appeared first on Telegrafi.
