![Pandov për burgun e Shutkës: Të burgosurit hyjnë dhe dalin kur të duan Pandov për burgun e Shutkës: Të burgosurit hyjnë dhe dalin kur të duan](https://geology.com/world/macedonia-map.gif)
U.d. drejtori i Drejtorisë për Ekzekutimin e Sanksioneve, Aleksandar Pandov sot informoi se natën më datë 19 të këtij muaji është bërë mbikëqyrje e jashtëzakonshme në Burgun “Shkupi”, i njohur si burgu i Shutkës, duke shtuar se është konstatuar se lista me të burgosurit që kanë marrë nga policia nuk korrespondon me gjendjen aktuale që kanë hasur aty.
Pandev tha se 11 të burgosur nuk ishin në qelitë e tyre, ndërsa gjendja ishte e ndryshme nga ajo që kanë marrë në listë dhe në repartin gjysmë të hapur dhe gjysëm të hapur, si dhe në lavanderi. Ai informoi se katër të burgosur aktualisht janë në arrati.
Në konferencën e sotme për media, ai potencoi se disa të burgosur kanë dalë dhe kanë hyrë në burg sa herë që kanë dashur.
Sipas tij, policët e burgut kanë deklaruar se të burgosurit sistemohen me urdhër verbal të drejtorit Filip Andov – Sokol, për të cilin tha se do të kërkojë të shkarkohet.
Pandov thotë se në këtë burg ka shtatë vite që nuk është bërë kontroll dhe se aktualisht në burg janë dy nëpunës për të marrë materialin nga video mbikëqyrja.
“Pablo Escobar në periudhën e fuqisë së tij më të madhe, në Kolumbi, në vitet e ’80-ta, po në burg privat, por rrinte në burg. Ai nuk kishte të drejtë të dilte nga burgu, siç kanë këta të burgosur. Nga 118 të burgosur. Ne shkuam nga një pjesë, qeli për qeli u thirrën të burgosurit, 11 të dënuar nuk ishin prezent në qelitë e tyre. Nga polici i burgut në hyrje të burgut, deri te i fundit që e takuam atje, konfirmonte se i vetmi…si quhej Filip Andov, i njohur si Sokoli, ish-këshilltar për siguri i ish-kryeministrit Zoran Zaev, se ai është personi që i jep urdhrat se cili i burgosur, ku të jetë”, deklaroi mes tjerash Pandov.
Pandov për burgun e Shutkës: Të burgosurit hyjnë dhe dalin kur të duan appeared first on Telegrafi.