Një person ka humbur jetën në një aksident trafiku që ka ndodhur dje në magjistralen Kumanovë – Shkup në zonën e fshatit Agino, ndërsa dy të tjerë janë lënduar.
“Dje rreth orës 15:00 në SPB Kumanovë është raportuar se në rrugën magjistrale Shkup – Kumanovë, në hyrje të fshatit Agino, Kumanovë, automjeti i udhëtarëve “Subaru Impreza” me targa të Kumanovës, i drejtuar nga 64-vjeçari I.A nga Kumanova, ka dalë nga rruga. Nga plagët e marra ka ndërruar jetë në vendngjarje pasagjeri B.N. nga Kumanova, ndërsa një mjek nga Emergjenca e Kumanovës ka konfirmuar vdekjen”, njofton MPB.
“Shoferi I.A. dhe pasagjeri D.N. kanë pësuar lëndime fizike të konstatuara në Spitalin e Përgjithshëm të Kumanovës. Kontroll është kryer nga ekipi inspektues i SPB Kumanovë dhe prokurori publik, me urdhër të të cilit trupi i pajetë i të ndjerit është dorëzuar për autopsi. Në këtë aksident trafiku kanë ndërhyrë edhe zjarrfikësit”, thonë nga MPB.
Një i vdekur dhe dy të lënduar në një aksident trafiku në rrugën Kumanovë – Shkup appeared first on Telegrafi.
