Afati për regjistrimin e votuesve të sëmurë ose të pafuqishëm për t’u vizituar në shtëpitë e tyre më 7 maj dhe për të votuar në zgjedhjet kuvendare skadon në mesnatë.
Regjistrimi bëhet në Komisionet Komunale Zgjedhore dhe vlen vetëm për zgjedhjet parlamentare, ndërsa kërkesat e pranuara të personave të sëmurë dhe të pafuqishëm për të votuar në zgjedhjet presidenciale të 24 prillit janë të vlefshme edhe për raundin e dytë të zgjedhjeve presidenciale.
“Zgjedhësi i cili nuk ka mundësi të votojë në vendvotim (i sëmurë ose i paaftë), dhe dëshiron të votojë, duhet ta njoftojë KKZ-në jo më vonë se 7 ditë para ditës së caktuar për votim, gjegjësisht deri më 30 prill në mesnatë”, sipas Rregullores së Punës për Zgjedhjet Parlamentare të Komisionit Shtetëror të Zgjedhjeve.
Për personat të cilët janë të sëmurë ose të pafuqishëm dhe dëshirojnë të votojnë, dokumentacioni përkatës mjekësor duhet të dorëzohet edhe në KKZ.
Më 4 maj skadon afati për votim të kërkesave të personave në arrest shtëpiak.
Të sëmurët dhe të pafuqishmit, të burgosurit, personat në arrest shtëpiak dhe njerëzit në shtëpi pleqsh votojnë një ditë para zgjedhjeve, më 7 maj./Telegrafi/
Në mesnatë kalon afati për paraqitje të personave të sëmurë për votim në zgjedhjet e 8 majit appeared first on Telegrafi.
