Në qendrat mjekësore jashtë shtetit po trajtohen 68 persona, ndërsa një pacient është liruar nga qendra mjekësore në Lubjanë dhe trajtimin mjekësor do ta vazhdojë në një tjetër shtet ku ka sigurim shëndetësor.
“Janë paralajmëruar disa lirime të pacientëve në ditët në vijim, pas përfundimit të procedurave sipas protokolleve. E pandryshuar mbetet gjendja e pacientëve që po trajtohen jashtë vendit, përfshirë edhe pacientët në gjendje kritike”, informojnë nga Ministria e Shëndetësisë.
Në klinikat e Shkupit po trajtohen 11 pacientë prej të cilëve 6 në Klinikën e kirurgjisë “Shën Naum i Ohrit”, 2 në Klinikën e toksikologjisë, 1 pacient në Klinikën e kirurgjisë plastike (tre janë liruar për trajtim në shtëpi) dhe 2 pacientë në “Sistina”.
“Ne po e ndjekim përditë situatën me pacientët e lënduar dhe do të vazhdojmë të informojmë publikun çdo ditë, duke ofruar kujdesin dhe trajtimin më të mirë të mundshëm për të gjithë pacientët”, thonë nga ministria.
Zjarri përfshiu diskotekën “Puls” në Koçan mëngjesin e 16 marsit, ku jetën në këtë tragjedi të rëndë e humbën 60 persona.
Ministria e Shëndetësisë: Një pacient lëshohet nga Lubjana, 68 persona mbeten për t’u trajtuar jashtë vendit appeared first on Telegrafi.