Ministria e Drejtësisë njofton se i ka themeluar Njësitë e para profesionale të Odës së ekspertëve, ku siç thonë, pas disa viteve do të zgjidhen problemet që ishin shkaktuar për shkak të mosfunksionimit të Odës.
“Me miratimin e Ligjit të ri për ekspertizë, obligim i Ministrisë së Drejtësisë është që të zgjedhë udhëheqësit dhe zëvendës udhëheqësit e Njësive profesionale dhe nga një anëtar nga secila njësi, si përfaqësues në Kuvendin themelues të Odës”.
“Për këtë qëllim, Ministri i Drejtësisë, Krenar Lloga themeloi 18 Njësi profesionale që do të duhet të përmirësojnë cilësinë e ekspertizës, mbrojtjen dhe avancimin e ekspertizës dhe të monitorojnë raportin e ekspertëve ndaj shoqërisë dhe qytetarëve”.
“Në bazë të Ligjit për ekspertizë, janë themeluar Njësi profesionale për ekspertizë në fushën e arkitekturës, kriminalistikës dhe kriminologjisë, gjeodezisë, ndërtimtarisë, elektroteknikës, bujqësisë, teknologjisë informatike, punës materiale, kontabiliteti dhe financiare, inxhinierisë mekanike, psikiatrisë, pylltarisë, kirurgjisë së përgjithshme, ortopedisë dhe traumatologjisë, trafikut, mjekësisë ligjore, pronësisë intelektuale, sigurisë dhe shëndetit gjatë punës dhe Njësi profesionale nga fusha të tjera”, thonë nga Ministria e Drejtësisë.
Ministria e Drejtësisë: Janë themeluar Njësitë e para profesionale të Odës së ekspertëve appeared first on Telegrafi.
