Numri i martesave në Maqedoni është zvogëluar në vitin 2023, por në të njëjtën kohë ka rënë edhe numri i shkurorëzimeve, thekson Enti Shtetëror i Statistikave (ESSH).
Sipas raportit, në 12 muajt e fundit janë lidhur 12,882 martesa, që është 3,4 për qind më pak në krahasim me vitin 2022.
Më së shumti martesa janë lidhur në gusht (1861), më pak në nëntor (761). Kufiri i moshës së partnerëve të martesës kur hyjnë në bashkim është ndërmjet 25 dhe 29 vjeç dhe mosha kur shkurorëzohen është midis 30 dhe 34 vjeç. Mosha mesatare në martesën e parë është 27.4 vjeç për nusen dhe 29.9 vjeç për dhëndrin.
Burrat dhe gratë më së shpeshti u martuan për herë të parë në vitin e kaluar. Burrat hynë në martesa të dyta ose të treta më shpesh.
Ndërsa numri i divorceve vitin e kaluar është ulur në krahasim me një vit më parë dhe ka arritur në 1613 martesa të divorcuara. Më pak divorce (38) kanë ndodhur në gusht, dhe më së shumti në mars (195).
Më pak martesa, por edhe më pak shkurorëzime në vitin 2023 në Maqedoninë e Veriut appeared first on Telegrafi.
