Ministria e Arsimit dhe Shkencës (MASH) sot në lidhje me protestën e pesë universiteteve publike, të cilat kërkojnë nënshkrimin e marrëveshjes kolektive, kanë konfirmuar për AIM-në se mbështesin çdo ide për rritje të pagave dhe nëse ka vullnet në Kuvend për ta nënshkruar, si institucion do të marrë pjesë në negociata.
“Ministria e Arsimit dhe Kulturës dhe ministri Jeton Shaqiri mbështesin çdo ide për rritjen e pagave të punëtorëve në institucionet arsimore, pavarësisht nëse janë në arsimin fillor, të mesëm apo të lartë.
Duke pasur parasysh se themelues i universiteteve shtetërore është Kuvendi, nëse ka vullnet për të nënshkruar marrëveshje kolektive me universitete të tjera, përveç UKIM-së, si institucion do të marrim pjesë në negociata, sepse stafi mësimor dhe shkencor meriton paga më të larta”. theksoi Ministria e Arsimit dhe Kulturës.
Ndërkaq, sot në protestë paqësore dolën anëtarët e sindikatës së universiteteve në Manastir, Tetovë, Shtip, Ohër dhe “Nënë Tereza” në Shkup, ku kërkuan nënshkrimin e marrëveshjes kolektive dhe barazimin e të drejtave me Universitetin “Shën Kirili dhe Metodi” në Shkup./Telegrafi/
MASH: Mbështesim idenë për rritjen e pagave të punonjësve në arsimin e lartë appeared first on Telegrafi.
